Link açıqlığı

Saatnıñ esas haberi

Qırımda moped aydavcısı piyadeni urıp qaza yerinden qaçıp ketti - politsiya


Qırımnıñ Qurman rayonında moped aydavcısı, yolnı keçitten keçken 39 yaşındaki piyadeni urdı ve qaza yerinden qaçtı. Bunı Qırım İİN-niñ matbuat hızmeti bildire.

Yol qazası neticesinde piyade aqaynıñ kemik sınıqları ve başqa ciddiy yaraları bar, ekimler onı hastahenge qoydı.

Yol qazasında qabaatını tanığan ve mesuliyetten qorqıp qaza yerinden ketkenini bildirgen 1959-ıncı yılda doğğan yerli sakin şübeli olaraq tutuldı.

"Adise aqqında kimsege aytmadı, qazadan soñ evinde oldı, Devlet Avtomobil İnspektsiyasınıñ hadimleri onı anda em taptı. Yol qazası boyunca malümat, qanuniy qarar alınması içün Tahqiqat komitetine berildi", - denile beyanatta.

Açıq tefsirler, tutulğan adamnıñ adı ve soyadı yoq.

Avgust 6-sında aqşam Nasipköy (Nasıpnoye) yanında eki maşna - Kamaz ve Renault çatıştı. Qazada bir adam elâk oldı, eki adam yaralandı.

XS
SM
MD
LG