Yarıq ustası. Enver Yaşlavskiyniñ ikâyesi (video)
"Derviş evi" ustahanesinde ayrı bir yaratıcılıq atmosferası bar. Onıñ pencerelerinden Han Sarayı körüne. Tamam mında fenerci usta Enver Yaşlavskiy öz fenerlerini yarata. Bu özgün mahsul - qırımtatar cam sanatınıñ nümünesidir. Daa yaqınlarda Yaşlavskiy buhgalter olıp çalışa edi, amma Qırım ilhaqından soñ Rusiye qanunlarını ögrenmege istegi olmadı. O, öz ayatını deñiştirdi ve 45 yaşından fenerci oldı. Enver Yaşlavskiy aytqanı kibi, tek bir şeyge peşman - bunı evelce yapmağanına. Qırım.Aqiqat jurnalistleri Enver Yaşlavskiyde musafir oldı.