Yılnıñ başından Qırımda yanğınlarda 38 adam elâk oldı. Bunı Rusiye FVN-niñ Qırım idaresi bildire.
“Aprelniñ 13-üne qadar yanğınlarda 38 adam elâk oldı, 34 adam qurtarıldı, 228 adam tahliy etildi”, - denile beyanatta.
Müessisede, elâk olğanlarnıñ böyle sayısı cumhuriyet akimiyetini ve FVN-i pek raatsızlata, dep bildirdi, bunıñ içün qurtarıcılar, yanğın havfsızlığı qaidelerge uymağa çağırta.
Daa evel yılnıñ başından Qırımda yanğınlarda elâk olğanlarnıñ sayısı eki kere arttı, dep bildirilgen edi.
2019 senesiniñ başından berli Qırımda quru otnıñ 160-dan ziyade yanğını çıqqanı qayd etildi, dep bildire Rusiye FVN-niñ Qırım idaresi.
