2019 senesiniñ başından berli Qırımda quru otnıñ 160-dan ziyade yanğını çıqqanı qayd etildi, dep bildire Rusiye FVN-niñ Qırım idaresi.
Malümaqta köre, tek tünevin bir kün içinde 6 quru ot yanğını oldı.
“Yılnıñ başından tabiat müitinden olğan 260 yanğın söndürildi, bu bayağıdır, ve bu miqdar Qırım FVN-ni raatsızlay. Aman-aman er kün yanğın söndürici taqımlar quru otnı söndürmege bara. Bu yanğınlarnıñ esas sebebi - yanğın havfsızlığı qaidelerine boysunmamazlıqtır”, - denile beyanatta.
Müessise qayd etkeni kibi, şimdilik ava quru ve yelli olğanından sebep, yarımadada yanğın telükesi pek büyük.
Fevral 4-ünde Bağçasaray rayonında Qobazı (Malinovka) köyünde 900 kvadrat metrlik mıntaqada quru otnıñ yanması oldı.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
