Yılnıñ başından Qırımda yanğınlarda elâk olğanlarnıñ sayısı eki kere arttı, dep bildire Rusiye FVN-niñ Qırım idaresi.
“Yılnıñ başından bugüngece endi 537 yanğın söndürildi, olardan 266-sınıñ sebebi - quru otnıñ yanğanı. 2019 senesi devamında 159 adam tahliye etildi, 23 qurtarıldı. Yazıq ki, yanğında elâk olğanlarnıñ sayısı 45%ğa qadar arttı”, - denile beyanatta.
Qırım FVN başı Sergey Şahovnıñ aytqanına köre, “Qırım, yanğın miqdarı yüksek olğan yerlerniñ sayısına kire”.
2019 senesiniñ başından berli Qırımda quru otnıñ 160-dan ziyade yanğını çıqqanı qayd etildi, dep bildire Rusiye FVN-niñ Qırım idaresi.
Fevral 4-ünde Bağçasaray rayonında Qobazı (Malinovka) köyünde 900 kvadrat metrlik mıntaqada quru otnıñ yanması oldı.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
