Link açıqlığı

Saatnıñ esas haberi

Vitaliy Portnikov: "Mumiyalarnıñ" muzakeresi


Ukrainanıñ sabıq baş naziri Nikolay Azarov ve LDPR partiyasınıñ lideri Vladimir Jirinovskiy
Ukrainanıñ sabıq baş naziri Nikolay Azarov ve LDPR partiyasınıñ lideri Vladimir Jirinovskiy

Mahsus Qırım.Aqiqat içün

LDPR (Rusiye Liberal Demokratik Partiyası) lideri Vladimir Jirinovskiy, Ukrainağa qanlı Maydannı, parçalanma ve kelecekte Rusiyege qoşuluvnı tahmin ete. Ukrainanıñ sabıq baş naziri Nikolay Azarov da qanlı ükümet devrimine inana, tek Rusiyege qoşuluvğa inanmay, Ukrainada kelişken siyasiy quvetlet yoq edin, demek Nikolay Yanoviçni yollamaq kerektir.

Yahşı ki, şimdi böyle laflarnı ameldeki siyasetçiler degil de (Rusiye ve Ukrainanıñ), "siyasiy mumiyalar" yapa. Evelde Rusiyede balalarnı qorquzmaq içün qullanılğan ve akimiyetke nail olacaq adam kibi sayılğan Jirinovskiy, şimdi, ğaliba, arabanıñ beşinci köpçegine çevirildi. Bu ilhaq etilgen Qırımnıñ misalinde yahşı körüne, anda kirekli vesiqalar yetmey dep, Jirinovskiy ile başlanğan LDPR partiyasınıñ cedveliniñ yerli "şeer şurası" saylavlarında iştirak etmekni red ettiler.

Jirinovskiyniñ yarımadadan quvulması, Kreml, siyasiy degerlikni coyıp turğan Vladimir Volfoviçni daa çoq televizion şoumeni kibi körgenini daa bir kere hatırlattı

Qırımda LDPR partiyası "Ekâne Rusiye"ge iç raqip olmağanına baqmadan, Jirinovskiyniñ yarımadadan quvulması, Kreml, siyasiy degerlikni coyıp turğan Vladimir Volfoviçni daa çoq televizion şoumeni kibi körgenini daa bir kere hatırlattı. Ve, ğaliba, onıñ yekâne vazifesi - ukrainlerni qorqutmaq.

Bu ceetten Jirinovskiy ve Azarovnıñ vazifeleri bir kele. Nikolay Yanoviçniñ tahminlerini diñlegende, böyle aqıldan fuqare ve öz memleketine böyle yanaşması olğan adam, ukrain ükümetine baş etkeninden, müim qararlar bergeninden ve - bir tüşünip baqıñız! - vaziyetni talil etkeninden utanasıñ bile.

Siyasiy mumiyalarnıñ" muzakeresi, Jirinovsky ve Azarov yaş ve ğayretli olğanda bile, olarnıñ dünyabaqışları pek farqlanmağanını bizge hatırlatmaq kerek

Ve bu "siyasiy mumiyalarnıñ" muzakeresi, Jirinovsky ve Azarov yaş ve ğayretli olğanda bile, olarnıñ dünyabaqışları pek farqlanmağanını bizge hatırlatmaq kerek. Biz o vaqıt böyle laflarnı ve iddialarnı devlet siyasetiniñ neticesi, sistema tizimine kirmek ıntıluvı, para qazanmaq niyeti, dep köre edik.

Amma şimdi, bütün esas maqsatlarğa irişilgen soñ, olar kerçekten böyle fikir yürsetkenlerinden emin olmaq mümkünmiz - olar kerçekten bütün ömür qurşunnen atılğan yalılar ile qanlı özenlerni beklep yaşaylar. Ketip turğan siyasetcilerden böyle bir deşetli masal.

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

XS
SM
MD
LG