Link açıqlığı

Saatnıñ esas haberi

Vitaliy Portnikov: Daa bir "qırımlı"


Mahsus Qırım.Aqiqat içün

İsrail ve Rusiye vatandaşı olğan İsrail sakini Yael Ilyinsky, Rusiye Anayasasına deñişmeler kirsetmesinen bağlı referendumda bir künde üç kere rey - elektron şeklinde ve Tel-Aviv ve Hayf şeerlerinde saylav noqtalarında berip oldı. Em onıñ daa 18 yaşını toldurmağan qızına da rey bermege ruhset berdiler: qıznıñ vesiqalarını Rusiye konsullığında sadece teşkermediler.

Saylav protsedurasınıñ mükemmel olmağanını ve falsifikatsiya imkânları bar olğanını tanımaq yerine, Rusiye akimiyeti....İlyinskiyni qorquzıp başladı

Saylav protsedurasınıñ mükemmel olmağanını ve falsifikatsiya imkânları bar olğanını tanımaq yerine, Rusiye akimiyeti... İlyinskiyni cinaiy taqibatnen qorquzıp başladı, qızı konsullıqqa kelip rey berüvinden vazgeçkeni aqqında ariza yazmasını talap etti.

Rusiye Tış İşler Nazirliginiñ matbuat kâtibi Mariya Zaharova ise Yael Ilyinskynı öz saifesinde mısqılladı ve onıñ areketlerine "fantastik qızğançlıqnıñ dünya attraktsionı" dedi.

Bir daa qayd eteyim: bir adamğa üç kere rey bermege izin bergenlerni degil, bu bozuluvnı aşkâr etken adamnı mısqılladı. Rusiye akimiyeti bozuluvlarğa ve falsifikatsiyalarğa yol bermemek içün ne yapacağı memurlar tarafından öyle de añlatılmadı. İlyinskiy özü qabaatlı - vesselâm!

Ve mence İlyinskiy - sadece İsrailde yaşağanı içün - daa qolay qutuldı, oña "diplomatlar"nıñ yapa bilgenlerniñ eñ çoqu - qorquzuvlarnen telefon etmektir. Amma Rusiyede yaşağan "Dojd" telekanalınıñ jurnalisti Pavel Lobkovnıñ evine "diplomatlar" artıq eki kere kele edi. Ve oña qarşı cinaiy dava da açıla bile.

Bu ayıp ikâye maña 2014-ünci senesi hatırlattı. Qırım. Anda "referendumda" kim istese, qaç kere istese "rey berip" oldı


Bu ayıp ikâye maña 2014-ünci senesi hatırlattı. Qırım. Bu, rusiye kanalları içün doğru resim yapmaq ve Mariya Zaharovanıñ çetel jurnalistlerine rev berüvniñ qanuniy olğanını köstermek fırsat bermek içün, işğal etilgen topraqlardaki adamlarnıñ "iradesini" köstergen aynı o birisi kibi "referendum" edi ve anda kim istese, qaç kere istese "rey berip" oldı.

Ve soñra bütün bu ayıplıq yayılıp başladı - parlament, Anayasa mahkemesi, "Qırımnıñ Rusiye Federatsiyasınıñ terkibine qabul etüv". Ve Rusiyede bu "halqnıñ iradesi olğanında" şübelengen az adam oldı, dep tüşünem. Ebet, halqara uquq tarafından yañlışçadır, Ukrainanen munasebetler tarafından da pek yahşı degildir, amma "halq istedi" de, "Qırım bizimki" de, özleri "rey berdi" de.

Şimdi ise Rusiyeniñ özü de balaban Qırımğa çevirilgenini, falsifikatsiya ve yalannıñ büyük qoruğı olıp turğanını köremiz.

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Vitaliy Portnikov, kyivli jurnalist, Qırım.Aqiqat müellifi

XS
SM
MD
LG