Avgustnıñ 24-ünde Ukraina Mustaqilligi Kününiñ resmiy merasimine üç sabıq prezident - Leonid Kravçuk, Leonid Kuçma ve Viktor Yuşçenko keldi, dep bildire Radio Svoboda.
Beşinci prezident Petro Poroşenko ne Menlik marşına, ne de Ukraina qorçalayıcılarınıñ marşına keldi.
Poroşenko Facebookta yazğanı kibi, olar qadınenınen beraber Sofiya Kiyevska kilsesinde duada iştirak etti ve Elâk olğan Ukraina askerleriniñ hatıralıq çañına çeçek qoydı.
"Avropa Birdemligi" partiyasınıñ saytında, aktsiyada parlament spikeri Andrey Parubiy ve başqa hadimler iştirak etti, dep yazılğan.
Qaçaq sabıq prezident Viktor Yanukoviçten de bir haber olmadı.
Bugün, avgustnıñ 24-ünde, Ukraina, Mustaqillikniñ 28 yıllığını qutlay. Kyivniñ Hreşçatık baş soqağında arbiy parad yerine "Menlik Marşı" keçe.
Kyivde Veteranlar Marşı keçe, bu resmiy degil tedbir, onı yapmaq içün Donbass cenkiniñ veteranları ve faaller teşebbüs kösterdi.
