Kyivde Veteranlar Marşı keçe, bu resmiy degil tedbir, onı yapmaq içün Donbass cenkiniñ veteranları ve faaller teşebbüs kösterdi. Marşnıñ yayınlavını Radio Svoboda yapa.
Yürüş saat 11:30 Taras Şevçenko adına Kyiv milliy universitetiniñ qırmızı korpusından başlanacaq. Marş iştirakçileri, Şevçenko bulvarından Bessarabskiy bazar tarafına ketip, soñra Hreşçatıktan Mustaqillik Meydanınace baracaq.
Marş, Mıhaylovskıy kilsesi yanında duanen bitecek.
Veteranlar "paradı"nıñ esas şartı - partiya ya da başqa bir timsalâtınıñ olmaması. Kyivden ğayrı, böyle marşlar daa beş şeerde keçirilecek - Mıkolayiv, İlbav (Lviv), Zaporijjâ, Sumı ve Odessa.
Bugün, avgustnıñ 24-ünde, Ukraina, Mustaqillikniñ 28 yıllığını qutlay. Kyivniñ Hreşçatık baş soqağında arbiy parad yerine "Menlik Marşı" keçe.
