Ukraina Merkeziy Saylav Komissiyası (MSK), mart 31-inde keçken prezident saylavınıñ ilk neticelerini derc etti.
Beyanatqa köre, şimdilik protokollarnıñ 0,17%-ı baqıldı. Olarnıñ neticelerine köre, birincilikni ameldeki prezident Petro Poroşenko ala (28,69%), soñra Volodımır Zelenskıy (24,27%), daa soñra - Yuliya Tımoşenko (15,12%), dep bildire Radio Svoboda.
MSK malümatına köre,199-dan 10 saylav okrugınıñ esabatına esaslanaraq, adam kelüvi 66,8 %-nı teşkil etti.
Martnıñ 31-inde Ukrainada prezident saylavları keti. Bu yer içün 39 namzet küreşti. Saylav bölükleri öz işini saat 8:00-da başladı ve 20:00-ğace çalıştı. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
Milliy ekzit-pollarnıñ bildirgenine köre, eñ çoq rey Volodımır Zelenskıy alğan- 30,4 %, şimdiki prezident Petro Poroşenko ekinci yerde ve 17,8% reylerni alğan.
