Ukraina Merkeziy Saylav Komiteti, martnıñ 25-inde kecken Ukraina prezidenti saylavlarına adam kelüvi aqqında ilk malümatnı derc etti. Oña köre, 199-dan 10 saylav okrugınıñ esabatına esaslanaraq, adam kelüvi 66,8 %-nı teşkil etti, dep bildire Radio Svoboda.
2014 senesi keçirilgen saylavda adam kelüvi 59%-nı teşkil etti.
Saat 18:00-ğa Milliy ekzit-polnıñ bildirgenine köre, eñ çoq rey Volodımır Zelenskıy aldı - 30,4 %, şimdiki prezident Petro Poroşenko ekinci yerde ve 17,8% reylerni aldı.
Martnıñ 31-inde Ukrainada prezident saylavları keçe. Bu yer içün 39 namzet küreşe. Saylav bölükleri öz işini saat 8:00-da başladı ve 20:00-ğace çalışacaq. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
