Qara deñizde Sudaq yanında tünevin "Romantika" yahtası qarağa oturdı, dep bildire Rusiye FVN-niñ Qırım idaresi.
Beyanatqa köre, yalıdan tahminen 200 metr mesafede 6 tonnalıq yahta qarağa oturdı. Körüngen bozuqlıqları yoq, saibi - Aqyar sakini tahliyeni red etti, tibbiy yardımğa ihtiyacı yoq.
İyül 2-sinde saba gemini qaradan kötermek üzerinde işler başlandı, dep bildirdiler müessisede.
Keriç boğazında bazaertesi künü iyün 24-ünde kül ile yüklengen Siberin 1 Rusiye gemisi qarağa oturdı.
İyün 29-ında Qara deñizde Kefe yanında bir qadın battı.
Yılnıñ başından berli Qırımda umumen olaraq 9 adam suvda elâk oldı. Keçken yılnıñ aynı müddetinde 10 adam batqan edi. Bu aqta Rusiye FVN-niñ Qırım idaresi bildirmekte.
