Link açıqlığı

Saatnıñ esas haberi

Keriç boğazında Rusiye gemisi qarağa oturdı


Keriç boğazında bazaertesi künü iyün 24-ünde kül ile yüklengen Siberin 1 Rusiye gemisi qarağa oturdı. "Rusiye deñiz ve özen flotunıñ" malümatına köre, gemi "Kavkaz" limanından çıqqanda qarağa oturdı.

Gemilerni izlegen Marine Traffic saytı derc etken malümatqa köre, şimdi Siberin 1 Çuşka Rusiye deñiz beli yanında buluna. Onıñ yanında daa onğa yaqın gemi bar.

"Rusiye deñiz ve özen flotu", adise neticesinde kimse zarar körmedi, cermay mahsulatı deñizge tökülmedi ve gemi yürüşine mania yoq, dep bildirdi.

FleetMon mahsus gemi ve liman bazasınıñ malümatına köre, Siberin 1 gemisi, IMO: 7811020, Rusiye bayraqlı, uzunlığı 130 metr, keñligi 16 metr.

Daa evel "Kerç FM" saytı, Keriç köprü qurulğanından soñ Keriç deñiz ticaret limanınıñ kiriş kanalında suv azlaşa, dep bildirgen edi.

XS
SM
MD
LG