Keriç köprü qurulğanından soñ Keriç deñiz ticaret limanınıñ kiriş kanalında suv azlaşa dep bildire yerli matbuat.
“KerçFM” malümatına köre, 2015 senesi küzde 8 metr terenlikke ihtiyac olğan gemiler keçip ola edi, 2019 senesi yanvarda ise 4,9 metr.
Mutehassıslar, kanalnıñ tübüni 2014 senesinden evel de lay basıp turğanını qayd ete, amma Keriç boğazınıñ qurulmasından soñ bu esnas kerginlesti.
“Liman hadimleri, Azaq deñiz suvları qum ve lay çıqarğanlarını bildire, amma olar köpür ayaqlarında keçip olamay. “Taraq” adisesi yüz bere. Suv aqıntısı köpürni özip kecmege tırışa ve böyleliknen Keriç limanına qum ve laynı kirsete. Böylece, liman saylaşa”, - yaza matbuat.
Ekspertniñ fikrince, kanal saylaşuvı Keriç limanındaki gemicilikke pek zarar ketire.
“Keçit terenligini azlaşqanı liman imkânlarını eksilte. Keriç limanı teren iskele hususını coya. Sanktsiyalar ve yañı qanunlarnen beraber bu Keriçniñ deñiz saasını öldüre demek mümkün. Bu saada aylıqlar eksildi. Çoq adam işsiz qaldı”, - denile beyanatta.
Oktâbrniñ 4-nde yapılarnıñ qurulğanı vaqtında Keriç köprü demiryol qısmınıñ közü suvğa tüşti.
Keriç boğazındaki köpürniñ maşna qısmı mayısnıñ 16-nda yengil maşnalarğa açılğan edi. Oktâbr 1-inde yük naqlitatı yürüşi açıldı. Köpürniñ demiryol qısmı soñuna qadar daa qurulmadı.
Ukraina prezidenti Petro Poroşenko, Rusiye işğal etken Qırımda Keriç köprüniñ qanunsız qurucılığı Kreml tarafından halqara uquq bozulğanınıñ daa bir delili ola, dep aytqan edi.
Avropa Birligi ve AQŞ Rusiye ve işğal altındaki Qırım arasında Keriç köprüniñ qısmen açılışını tenqit ettiler. Ukraina tarafı, 2014 senesi Qırım işğalinden soñ Rusiye ile köpür qurucılığana dair añlaşmadan çıqqan edi.
