Link açıqlığı

Saatnıñ esas haberi

SİZOda Qırım faali Prihodkonıñ ilâclarını teskerüvge aldılar - advokat


Apisli Ukraina tarafdarı faal Oleg Prıhodkonıñ soyları oña ilâc yolladı, Rostov-na-Donudaki SİZOnıñ memuriyeti ise onı teşkerüvge aldı.​

Bunı Qırım.Aqiqat mühbirine advokat Sergey Legostov haber etti.

"Üç kün evel Oleg Prihodko tuvğanlarından yollanma aldı. Anda aşqazan ilâcları bar edi, olarnıteşkerüvge aldılar. O sekiz kisilik kamerada tutula, onen beraber anda "Memorial" tarafından siyasiy mabüs kibi tanılğan Server Mustafayev da otura. Sekiz adamdan iç birisi şahsiy qoruyıcı vastalarnen qullanmay. Olarğa olar berilmey", - aytıp berdi Legostov.

Oleg Prıhodko küzgece tevqif astında qala. Moskova vilâyetiniñ Vlasiha şeer bölüginiñ arbiy apellâtsiya mahkemesi mayısnıñ 7-sinde qırımlınıñ tevqif uzatılmasına şikâyetini red etti.

Aprelniñ 7-sinde Oleg Prıhodkonı Rostov-na-Donu şeeriniñ SİZOsına ketirgenleri belli oldı.

Daa evel qızı bildirgeni kibi, apiske alınğan Ukraina tarafdarı faal Oleg Prıhodko işğal altındaki Qırımdan qomşu Rusiyege avuştırıldı.

Prıhodkonıñ apis müddeti sentâbrniñ 15-ne qadar uzatıldı.

Onı Aqmescit SİZOsından Rusiyeniñ Rostov-na-Donu tahqiqat izolâtorına avuştıracaqlar dep haber etildi.

Yanvarniñ 16-nda berilgen malümatqa köre, Prıhodko «patlayıcı maddelerni ve tertibatnı qanunsız aluv, berüv, satuv, saqlav ve taşuvda» qabaatlandı.

Prıhodko daa bir şeyde qabaatlandı – Lvivdeki Rusiye baş konsullığınıñ binasında patlav azırlağanında.

2019 senesi fevralniñ 8-nde Qırımdaki FSB idaresiniñ hadimleri Saq rayonınıñ Orehovo köyünde Oleg Prihodkonıñ evini tintken edi. Quvetçiler ukrain timsalleri, «Svoboda» firqasınıñ bayraqları, qırmızı-qara bayraqlar, Stepan Banderanıñ süretleri, tehnika ve ev CD-disklerini aldı. Tintüvden soñ Prihodkonı Aqmescitke alıp ketkenler, anda faaliyeti ve esas Ukraina ile bağları aqqında sorap sorğuğa çekkenler. Rusiye quvetçileri Prihodkonıñ evinde keçirilgen tintüvni izaatlamadı. 2016 senesi iyün ayında Rusiye quvetçileri faalni maşinasındaki ukrain nomeraları içün tutqan edi.


XS
SM
MD
LG