Qırımda faal Oleg Prıhodkonıñ tevqifini sentâbrniñ 15-inece uzattılar, onı Rostiv-na-Donu şeerine etap etecekler. Bunı "Qırım birdemligi"ne advokat Nazim Şeyhmambetov haber etti.
Bildirilgeni kibi, birinci mahkeme oturışı Rostov-na-Donu şeerindeki Cenübiy bölge arbiy mahkemesinde aprelniñ 9-ına tayinlendi. Davanı esasını baqmaq içün mahkemege berdiler.
Şimdilik o Aqmescitteki SİZO-1-de tutula.
«Выглядит бодро, критических жалоб и замечаний на здоровье и условия содержания нет. Лекарства передают своевременно», – рассказал адвокат.
"Sıfatı güzel, sağlıq ve şarait şikâyetleri yoq. İlâclarını vaqtında bereler", - dedi advokat.
Prıhodko, oña ve başqa siyasiy mabüslerge qol tutqanlarğa selâm yibere ve minnetdarlığını bildire.
Yanvarniñ 16-sında Prıhodkoğa "patlayıcı madde ya da cihazlarnıñ satın alması, başqalarğa bermesi, satması, tutması, taşıması"nda qabaatladılar.
Bundan ğayrı Prıhodkanı daa bir amelde qabaatladılar - İlbav şeerinde Rusiye baş elçiliginiñ binasınıñ patlatmasınıñ azırlaması.
