Link açıqlığı

Saatnıñ esas haberi

Sentsov, milliy ölçüli bir siyasetçige çevirile bile ‒ siyasetşınas


Oleğ Sentsov, 2019 yılı, sentâbr 10
Oleğ Sentsov, 2019 yılı, sentâbr 10

Oleğ Sentsov, Rusiye apishanesinden azat etilgeninden soñ jurnalistlernen birinci körüşüvde, özüniñ siyasetke ketmesiniñ mümkünligini tefsir etkende, "Men halqım ögünde mesuliyetligimni duyam" ‒ dedi. Bu "açıq mesele", qoştı Sentsov.

"Vaşa Svododa" ("Siziñ azatlığıñız") programmasınıñ musafirleri: Oleksandra Matviyçuk, uquq qoruyıcı, Yevğen Mağda, siyasetşınas.

‒ Matviyçuk hanım, siz matbuat konferentsiyasında moderator oldıñız. Kolçenko efendi de onda iştirak etti. Oleğ evge qaytqanından soñ, onen qonuşmaqtan teessurat​ıñız ne? Söz sırası, siz #FreeSentsov aktsiyasınıñ teşebbüsçilerinden ediñiz. Almaşuvtan memnünsizmi?

Oleğ teren fikir yürsete, şeylerniñ aslını añlay, tafsilâtnı köre
Oleksandra Matviyçuk

Matviyçuk: Matbuat konferentsiyası er şeyni kösterdi. Oleğ teren fikir yürsete, şeylerniñ aslını añlay, tafsilâtnı köre. Şimdi oña ve başqa azat etilgen adamlarğa, uyğunlaşmaq, alışmaq içün, olardan soralğan "Steinmeier formula"sını daa yahşı añlamaq içün vaqıt kerek. O, kimer başqa mabüslerge köre, özüni yahşıca duya, çoqusı, ne yazıq, esirlikten soñ özlerini yaramay duya.

Ukraina-Rusiye almaşuvından soñ ukrain rejissör Oleğ Sentsov
Ukraina-Rusiye almaşuvından soñ ukrain rejissör Oleğ Sentsov

35 adam evge qaytqanına pek quvanam. Mında tenqitçiler de, tarafdaşlar da bir fikirde olmalı, çünki insan yaşayışınıñ degeri pek büyük. Men, muzakereler nasıl keçkenini, olarnıñ gizli tarafı barmı-yoqmı asıl bilmeyim.

Tenqitçiler de, tarafdaşlar da bir fikirde olmalı, çünki insan yaşayışınıñ degeri pek büyük
Oleksandra Matviyçuk

Biz siyasiy mabüslerniñ azat etilmesinen endi altı yıl oğraşamız. Bu ilk siyasiy mabüsler. Siyasiy mabüsler ‒ bu Rusiyede ve işğal etilgen Qırımda tutulğan adamlar.

Altı yıl devamında böyle büyük siyasiy mabüslerniñ almaşuvı olmağan edi. Donbass esirleri - bu başqa uquqiy status. Olarnıñ episi ‒ Kreml esirleri, olarnıñ episini Rusiye tuta. Donbassta Rusiye, Donbassnı işğal etkenini inkâr ete. Biz, arbiy cinayetlerni, insaniyetlilikke qarşı cinayetlerni belgileymiz. Anda olğan bütün şeylerge de facto Rusiye buyruq bergenini köstergen çoq vastalı ve vastasız deliller bar.

Oleksandra Matviyçuk
Oleksandra Matviyçuk

‒ Mağda efendi, Nadiya Savçenko sabıq ukrain siyasiy mabüslerge inanmamazlıq pretsendentini yaratmadımı? Bütün 35 siyasiy mabüske büyük ürmetim ile.

Savçenkonıñ kazusı azat etilgen 35 adamnıñ taqdirine tesir etecek
Yevğen Mağda

Mağda: Ebet, Savçenkonıñ kazusı azat etilgen 35 adamnıñ taqdirine tesir etecek. Olar siyasiy ayatta adiy vatandaşlarğa köre daa faal iştirak etmege isteseler, episine Nadiya Savçenko prizmasından baqacaqlar. Oleğ Sentsov bunı pek yahşı añlay. Yazıq, amma o siyasetke kirecek olsa, oña: sen Şimal qutup tögeregi artında açlıq tuta ediñ - nasıl oldı seni almaştırdılar, ne içün seni almaştırdılar? - suallerine azır olmaq kerek.

Nadiya Savçenko "Borıspil"ge keldi. Kyiv, 2016 senesi, mayıs 25
Nadiya Savçenko "Borıspil"ge keldi. Kyiv, 2016 senesi, mayıs 25

Şimdi endi rusiye tarafını tutqan çeşit-türlü Telegram kanallarında, sanki, Oleğ Sentsov Ukrainda Sorosnıñ leyhası olacaq, dep muzakere etile. Oleğniñ beş yıl devamında bir noqta-i nazarı olğanına, açlığı ve mefa arizasını imzalamağanına, daa başqa delillerge baqmadan, potentsial siyasetçiniñ populârlığını eksiltecek olalar. Türli "vidosikler" ve İnstagramğa esaslanğan zemaneviy ukrain siyasette Oleğ Sentsovğa pek qıyın olacaq.

«Борьба не закончена. До победы еще очень далеко». Освобожденные украинцы в Киеве (видео)
Bekleñiz, lütfen

No media source currently available

0:00 0:04:55 0:00
Oleğ Sentsov, milliy ölçüli bir siyasetçige çevirile bile
Yevğen Mağda

Olar, Ukraina içün küreşlerinen ve Rusiye türmelerinde keçirgen uzun müddetlerinen, Ukraina vatanperverleri olğanlarını tasdıqladı. Şimdi ise olar kimsege bir şey tasdıqlamağa mecbur degiller. Oleğ Sentsov, o ‒ mesüliyetli adam olğanını ve vaqialarğa sözlerinen ve areketlerinen tesir etmege azır olğanını kösterip, milliy ölçüli siyasetçige evolütsion yolunen çevirile bile. Ne yazıq, amma olarnı qullanmağa ve olarnı itibarda tüşürmege ıntıluvlar olacaq, çünki şimdi olarğa işanç büyüktir.

- Mağda efendi, ya şahsen siz, siyaset tarafından, Ukrainanıñ Avropa Birliginen ileride munasebetleri ceetinden, Rusiyege qarşı sanktsiyalarnıñ toqtatılması baqımından, bu almaşuvğa nasıl qıymet kesesiz?

Bu almaşuv Kreml qaidelerine köre keçti
Yevğen Mağda

Mağda: Bu almaşuv Kreml qaidelerine köre keçti. Tsemahnıñ şaatlığını alğanlaına inanam. Amma eñ müim şaatlıq - mahkemede berilgen şaatlıqtır. Adamlar, tahqiqat vaqtında olarğa basqı yapıldı, dep aytqanları ve azırlıq tahqiqatında şaatlıqlarından vazgeçkenleri sıq-sıq ola. Rusiye, Ukraina vatandaşı Tsemahnı oña bermege talap etkende, "Boeing-777" yoq etilmesine alâqası ola bilgen bu adam oña meraqlı olğanını kösterdi.

Yevğen Mağda
Yevğen Mağda

Matviyçuk hanım, Rusiyede, Qırımda ve Donbassta daa ne qadar ukrain mabüsi tutula?

Мы просто не знаем реальное количество людей, находящихся в этом статусе ‒ заложники Кремля
Александра Матвийчук

Matviyçuk: Men yaqında siyasiy sebepler ile Rusiyede ve işğal etilgen Qırımda tutulğan adamlarnıñ açıq cedvelini derc etken edim. Cedvelde 86 adam, ekseriyeti qırımtatarlar. Ve qararnen 223 adam... Söz sırası, siziñ (Radio Svaboda - muar.) soratmañızğa cevap begen edim, Oleğ Sentsovnıñ azat olğan künü ise Facebookta 227 esir, dep yazılar. Bütün raqamlar bu tek aysbergniñ ucudır.

Amma Kreml mabüsleriniñ kerçek sayısını biz bilmeymiz. Rusiye ve işğal etilgen Qırımda bunı közetmege imkân olsa, Donbass ‒ "boz zona"dır. Anda apislilerge Halqara Qızıl Haç vekilleriniñ bile kiriş izin yoq. Yüzlerce adamlar... Ve bu miqdar daima arta...

Biz bir qaç yıldan berli esirlikten çıqqan adamlarnıñ şaatlıqlarını toplaymız. Soñra, körgenimiz ve belgilegenimizni toqtatmaq içün, halqara teşkilâtlarnen çalışıp başladıq. Alâ daa maña esirlikte çıqqan adamlar kele. Siz nasıldır cedvellerde oldıñızmı, siz içün BMT, OBCE, SBU bildimi, dep sorasam, çoqusı: yoq, bizim içün kimse bilmedi, dey. Tuvğanları muracaat etmey ediler, çünki mında bir yardım imkânını körmey ediler.

Обмен: комментарии освобожденных украинцев (видео)
Bekleñiz, lütfen

No media source currently available

0:00 0:05:47 0:00

XS
SM
MD
LG