Sentâbrniñ 7-nde Ukraina-Rusiye deñişimi çerçivesinde Kyivge kelgen rejissör, qırımlı Oleg Sentsov «ukrainalılarnıñ küreşi bitmedi», dep qayd etti.
«Soñki esir azat etilse bile küreşimiz bitmeycek. Ğalebege daa çoq bar. Duşman küçlü ve teslim olmaycaq. Amma ğalebe mıtlaq bizim olacaq. Başqa çaremiz yoq. Yaşasın Ukraina», – dedi o, jurnalistlerge «Borıspil» ava limanında.
Ukraina prezidenti Volodımır Zelenskıy «Borıspil» ava limanında Rusiyede tutulğan Ukraina vatandaşları Oleg Sentsov, Volodımır Baluh, Oleksandr Kolçenko, Edem Bekirov ve 2018 senesi noyabr ayında zapt etilgen ukrainalı deñizcilerni qarşıladı.
Ukrainalılarnı tuvğanları da qarşıladı. Uçaq qonğanda elçırpmalar eşitildi.
