2019 senesi Keriç köpründen demiryol areketi başlayvaq, dep fevralniñ 20-sinde Rusiye prezidenti Vladimir Putin bildirdi.
“Köpür qurucıları ve demiryol işçilerine minnetdarmız, Krasnodar ülkesiniñ etrafında yol quruldı ve Kavkaz yalısı bu yolğa bağlandı”, - dedi o.
Putinniñ aytqanına köre, Keriç köpründen demiryol areketiniñ açılması Qırım ve Aqyarnı inkişaf etmege büyük imkânlar berir, dep haber ete Azatlıq Radiosı.
Daa evel Keriç köprüniñ demiryol qısmınıñ ayaqları qurulıp bitirilgenleri bildirilgen edi.
Keriç boğazındaki köpürniñ maşna qısmı mayısnıñ 16-nda yengil maşnalarğa açılğan edi. Oktâbr 1-inde yük naqlitatı yürüşi açıldı. Köpürniñ demiryol qısmı soñuna qadar daa qurulmadı.
Ukraina prezidenti Petro Poroşenko, Rusiye işğal etken Qırımda Keriç köprüniñ qanunsız qurucılığı Kreml tarafından halqara uquq bozulğanınıñ daa bir delili ola, dep aytqan edi.
Avropa Birligi ve AQŞ Rusiye ve işğal altındaki Qırım arasında Keriç köprüniñ qısmen açılışını tenqit ettiler. Ukraina tarafı, 2014 senesi Qırım işğalinden soñ Rusiye ile köpür qurucılığana dair añlaşmadan çıqqan edi.
