Saqta yanğın söndüriciler eki saattan ziyade mesken evniñ yanğınını söndürmekte, yanğın 300 mert kvadratnı qaplap aldı. Bu aqta Rusiye FVN-niñ Qırım idaresi bildirmekte.
Olarnıñ malümatına köre, yanğın bildirmesi saat 7:30-da saba keldi, qaza yerine 24-ünci yanğın qurtarıcı qısmınıñ eki bölügi ketti. O yerde şimdilik eki suv taşıyıcı maşna çalışa.
Rusiye FVN-niñ Qırım idaresiniñ malümatına köre, açıq ateş söndürildi, amma yanğın tamamınen daa söndürilmedi. İlk alınğan malümatqa köre, yanğında zararlanğan insanlar yoq.
Martnıñ 4-ünde Qırımda Aqmeçit (Çernomorskiy) rayonınıñ Novoselskoye köyünde üç qatlı mesken evniñ yanğınında bir adam elâk oldı.
Martnıñ 1-inde Aqmescitte Selskaya soqağında eki qatlı ev yanğan edi, andan 30 adam tahliye etildi.
Fevralniñ 5-inde Kezlevde (Yevpatoriya) çoq qatlı binada yanğın çıqqanından bir insan elâk oldı, 17 ev sakini tahliye etildi, olarnıñ arasında bir bala dep bildirile edi.
