Kezlevde (Yevpatoriya) çoq qatlı binada bir insan elâk oldı, 17 ev sakini tahliye etildi, olarnıñ arasında bir bala dep bildire fevralniñ 5-inde Rusiye FVN-niñ Qırım idaresi.
Yanğın beş qatlı evniñ üçünci qatında, kvartiralardan birisinde başlandı, bu aqta qurtarıcılarğa saat 7-de saba bildirüv keldi. Qaza yerine keli, qurtarıcılar, yanğın töpedeki kvartiralarğa avuşa bilgenini kördi.
“Acele tedbirler neticesinde mesken evden 17 adam qurtarıldı, üçü 4-ünci qattan merdiven yardımınen tahliye etildi”, - denile beyanatta.
Yanğın mıntaqası 16 kvadrat metrni qapladı. Bir adam elâk oldı. Ekspertler sebep ve tafsilâtlarnı ögrene dep bildirile beyanatta.
Yanvar 12-sinde Şçölkino Qırım şeerinde, doquz qatlı evniñ damında patlav ve yanğın yüz berdi.
