Qırımda Aqmeçit (Çernomorskiy) rayonınıñ Novoselskoye köyünde üç qatlı mesken evniñ yanğınında bir adam elâk oldı, dep bildire Rusiye FVN-niñ Qırım idaresi.
Qurtarıcılarnıñ bildirgenine köre, ev mansardası tamamınen yanıp bitti. Yanğın eki saatta söndürildi. Qurtarıcılar, işlerine gece qaranlığı, tütün ve küçlü yel keder etkenini ayttı. Yanğın 400 metr kvadratnı qapladı. Bir adamnı qurtarıp oldılar. Facia sebepleri daa belli degil.
Martnıñ 1-inde Aqmescitte Selskaya soqağında eki qatlı ev yanğan edi, andan 30 adam tahliye etildi.
Fevralniñ 5-inde Kezlevde (Yevpatoriya) çoq qatlı binada yanğın çıqqanından bir insan elâk oldı, 17 ev sakini tahliye etildi, olarnıñ arasında bir bala dep bildirile edi.
