Qırımnıñ Saq rayonında Opel Astra maşnası yandı. Bunı Qırımnıñ rusiyeli FVN bildire.
Yanğın Cağa Quşçu (Ohotnikovo) köyünde Komsomolskaya soqağında oldı.
"Qaza yerine kelgende, Komsomolskaya soqağında umumiy merkezde Opel Astra maşnası yanğanı belli oldı. Yanğınnıñ tarqalma telükesi yoq, yaralanğan adam yoq", - denile beyanatta.
Yanğınnı söndürdiler. Sebepleri tayinlene.
İyün 4-ünde aqşam Aqmescitte Pobedı caddesinde patapat ve yengil maşna çatıştı. Ducati patapatınıñ aydavcısı Daewoo Nexia maşnasınace yeterli mesafe qaldırmayıp, oña uruldı. Qaza neticesinde patapat aydavcısı yaralardan vefat etti.
Çarşenbe künü, iyün 3-ünde, Bağçasaray rayonında Cheru ve Mercedes maşnaları uruştı, üç adam yaralandı.
Daa evel Aqmescit rayonında salı künü, iyün 2-sinde, "KAMAZ-581493" maşnası 1944 yılı doğma qadınnı urğanı bildirildi. Qadınnıñ köpürçik kemigi qırıldı, onı hastahanege qoydılar.
Mayıs 28-inde Aqmecitte Kiyevskaya soqağında üç naqliyat çatıştı. Maşnalardan birisi trolleybusqa uruldı, eki maşnanıñ yolcuları yaralandı.
