Saq rayonınıñ Urçuq (Lugovoye) köyünde qararnen 800 metr kvadrat quru ösümlik yandı, şimdilik belli olğanı kibi, yanğın sebebini elektrik naqil hattınıñ üzülmesinde köreler, dep bildire Rusiye FVN-niñ Qırım idaresi.
"Fevqulâde müessiseniñ mütehassısları, yüksek volt elektrik naqil hattınıñ üzülmesi oldı ve, şimdilik olğan fikirge köre, bundan sebep köy çetinde açıq tarlada quru ösümlik yanıp başladı, dep bildireler. Yel sebebinden ateş köyge taba ketkeni icün, yanğınnıñ tarqaluv telükesi bar edi", - denile beyanatta.
Bildirüvge köre, yanğın taqımınıñ hadimleri 30 daqqada ateş tarqalmasını toqtattı ve onı söndürdi. Yanğınğa oğrağanlar olmadı.
Daa evel Rusiye FVN-niñ Qırım idaresi, iyünniñ başından berli Qırımda 140 yanğın çıqtı, dep bildirgen edi.
İyül 29-ında İçki (Sovetskiy) rayonınıñ Sarğıl (Luçevoye) köyüniñ çetinde açıq tarlada quru ösümlikler yana edi.
İyül 7-sinde Aqyar (Sevastopol) yanında baqımsız yüzümlikte büyük yanğınnı söndürdiler. Ateş 12 gektarnıqaplap aldı.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
