Aqyar (Sevastopol) yanında baqımsız yüzümlikte büyük yanğınnı söndürdiler. Ateş 12 gektarnıqaplap aldı, dep bildire Rusiye FVN-niñ Qırım idaresi.
"Baqımsız yüzüm bağı ve quru ot Balıqlava şossesiniñ 7-nci kilometri yanında yana edi. Saat 10.55 12 gektarda ateşniñ tarqalmasını toqtattılar, şimdi ise o bütünley söndürildi", - denile beyanatta.
FVN-ne köre, yanğınğa oğrağanlar olmadı. Ateş söndürmesine FVN-niñ mahsus bölükleri ve Qara Deñiz flotunıñ bir arbiy bölügi celp etildi.
İyünniñ başından berli Qırımda 140 yanğın çıqtı, dep bildirgen edi Rusiye FVN-niñ Qırım idaresi.
