Sentâbrniñ 24-nde Harkivde Rusiye ava ücüminde elâk olğanlarnıñ sayısı dörtke arttı, dep bildire yerli akimiyet.
"Kıyiv rayonında, tünevin Rusiye istilâcısı tarafından yıqılğan evniñ viraneleri altında elâk olğan qadınnıñ cesedi tapıldı. Şimdi onı qurtarıcılar alıp çıqaralar", — dep yazdı şeer yolbaşçısı İgor Terehov.
Sentâbrniñ 24-nde tahminen saat 15:30 Rusiye ordusı Harkivniñ Kıyiv, Nemışlân, Saltov ve Şevçenko rayonlarına ücüm etti. Dairelerden birinde doğrudan-doğru ateş açılğan edi.
RF reberligi, Rusiye ordusı Ukrayina şeerleri ve köyleriniñ grajdan infrastrukturalarına maqsatlı darbelerini endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
