2024 senesi sentâbrniñ 17-nde Aziz Ahtemovnıñ qadını, aqayını Rusiyeniñ Yeniseysk apishanesinden belli olmağan yerge alıp ketkenlerini bildirdi.
Siyasiy mabüs tuvğanlarına yazğan mektübinde aşayt mallarınen bağlı qıyın vaziyet aqqında tarif etti. Azizniñ ümüdi bar ki, oña esabındaki parağa irişmek imkânı berilecek ve o, bir şey satın ala bilecek, lâkin bu pek mümkün degil. O, bu müessisede tahminen eki afta qalacaq.
"Bu mektüp yazılğanından berli endi eki afta keçti. Şaşılacaq şey, Aziz T-2den çıqarılğan soñ, Krasnoyarsknıñ SİZO-na aqayıma mektüp yazdım. Lâkin cevap keldi ki, adresat endi ketti. Aziz bütün tuvğanlarına, yaqınlarına ve tanışlarına selâmını yollay ve er kesni sağına", — dep qoştı qırımlınıñ qadını.
2022 senesi sentâbrniñ 21-nde Rusiye kontrolindeki Qırımnıñ Yuqarı mahkemesi Asan Ahtemov 15 yıl sert rejimli koloniyada qalmasına üküm etildi. Oña 500 biñ ruble para cezası berildi ve 1 yıl qadar azatlığı sıñırlandı. Aziz Ahtemov 13 yıl sert rejimli koloniyada qalmasına üküm etildi. Oña da 500 biñ ruble para cezası berildi ve azatlığı 1 yılğa sıñırlandı.
Oktâbrniñ 2-nde ağa-qardaş Ahtemovlar Aqmescitteki SİZO-2-den alındı ve Rusiye apishanelerine etap etildi.
2023 senesi noyabr ayında Aziz Ahtemov Qırımdan Krasnoyarsk ülkesiniñ Yeniseysk şeerindeki apishanege 40 kün devamında etap etildi, cep haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
