Vlasiha İstinaf arbiy mahkemesi "Qırım musulmanları" davasınıñ mabüsi Raif Fevziyevniñ ükmüni deñiştirmedi. Bu aqta advokat Edem Semedlâyev bildirdi, dep haber ete "Qırım birdemligi".
Qarar sentâbrniñ 27-nde çıqarıldı. "İstinaf mahkemelerniñ, Raifniñ aman-aman eki saat devam etken munaqaşalarına baqmadan, mahküm etilgen şahıslarnıñ imayesini qabul etmemesi endi yaramay bir adet oldı. Amma mahkeme Cenübiy arbiy mahkemeniñ ükümini amelde qaldırdı", — dep bildirdi Semedlâyev.
Advokatnıñ aytqanına köre, Fevziyev "bu qararnı lâyıqlıqnen qabul etti" ve qorantasınen beraber onıñ ve digerleri davası siyasiy olğanını tüşüne.
2021 senesi avgustnıñ 7-nde Qırımda Rusiye quvetçileri qırımtatarlarnıñ evlerinde birden beş tintüv keçirdi, bundan soñ faaller Rustem Murasov ve Rustem Tairov, Aqyarnıñ Balıqlava rayonında Cebbar Bekirov, Bağçasaray rayonında faal Zaur Abdullayev, Qırımnıñ Aqmescit rayonında Raif Fevziyev tutuldı.
"Qırım birdemligi" cemaat birleşmesi advokat Aleksey Ladinniñ malümatına atıf etip, yaqalanğan qırımtatarlar "terror teşkilâtınıñ teşkil etilmesinde ve iştirak etmesinde" şübeli sayıla, dep bildirdi.
Qırımtatar resurs merkeziniñ yolbaşçısı Eskender Bariyev bildirdi ki, 2023 senesi Qırımda uquq qoruyıcılar 173 yaqalav, 65 tintüv, 217 tevqif, 186 sorğu, em de adaletli mahkeme aqqınıñ 300-den ziyade bozuluvı ve sağlıq aqqınıñ 50-den ziyade
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
