Link açıqlığı

Saatnıñ esas haberi

Qırım Muhtar Cumhuriyetiniñ prokuraturası Qırımda keçirilgen tintüv ve tutuvlar sebebinden cinaiy tahqiqat başlattı


Yanış Taqılda tintüv, 2021 senesi mayısnıñ 11-i
Yanış Taqılda tintüv, 2021 senesi mayısnıñ 11-i

Qırım Muhtar Cumhuriyeti ve Aqyar prokuraturı salı künü, mayısnıñ 11-nde, işğal altındaki Qırımda keçirilgen tintüvler ve tutuvlar sebebinden cinaiy tahqiqat başlattı.

«Bugün, 2021 senesi mayısnıñ 11-nde, işğalci devletniñ «quvetçileri» tarafından işğal altındaki Qırımda keçirilgen qanunsız tintüv ve qırımtatar halqınıñ vekillerini qanunsız tutuv ile bağlı cinaiy tahqiqat başlatıldı», – dep aytıla müessiseniñ matbuat hızmeti haberinde.

Qırım Muhtar Cumhuriyeti ve Aqyar Prokuraturası qayd etkenine köre, cinaiy tahqiqat Ukraina Ceza kodeksiniñ 162-nci maddesiniñ 2-nci qısmı (mesken tiyilmemezligini bozuv) ve 146-ncı maddesiniñ 2-nci qısmına (azatlıqtan qanunsız marum etüv) istinaden başlatıldı. Qayd etilen qanunsız areketler sebebinden beş yılğa qadar apis cezası berile bile, dep qayd etti müessise.

Mayısnıñ 11-nde saba faaller Qırımda İçki rayonınıñ Yanış Taqıl (Zavetnoye) köyünde Ayub Rahimovnıñ evinde keçirilgen tintüv aqqında bildirdi.

«Qırım birdemligi» cemaat birleşmesi Qırım.Aqiqatqa bildirgenine köre, Aqmescit civarındaki Dubki köyünde daa bir tintüv başlandı. Tahminlerge köre, anda bu saba İçki rayonı Yanış Taqıl (Zavetnoye) köyündeki evinde tahqiqat tedbirleri keçirilgen Ayub Rahimov buluna bile.

İçki rayonındaki Rusiye İç işler nazirligi bölüginiñ migratsiya meseleleri bölügine alıp ketirilgen Sahiba Burhanovanıñ oğlu 15 yaşında Taqyuddin Yanış Taqıldaki evlerinde tedbirler yekünlendi, dep bildirdi.

Aprel ayınıñ soñunda Rusiye quvetçileri «Hizb ut-Tahrir davası» boyunca mahküm etilgenniñ qardaşı yaşağan evni tintti ve onı sorğuğa çekti, dep haber etilgen edi. Bundan evel Aqmescitniñ Hoşkeldi mikrorayonında Ruslan Ramazanovnıñ evini OMON sarıp aldı, quvetçiler terakt aqqında haber etildi dep tintüv keçirdi.

Qırımlı jurnalist ve faallerniñ evlerinde keçirilgen tintüvler

2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.

XS
SM
MD
LG