Tünevin Qırımda 15 yanğın oldı, olardan üçü - mesken yerlerde. Bunı Rusiye FVN-niñ Qırım idaresi bildirdi.
"Tünevin Qırım Cumhuriyetinde 15 yanğın söndürildi, olardan 3-ü - mesken yerlerde, 2-si mesken olmağan yerlerde ve daa 10-u - bu çöplük ve quru ösümliklerniñ yanmasıdır. FVN-niñ malümatına köre, yılnıñ başından berli 2156 yanğın oldı, olardan 1400-ü - quru ösümlik ve çöplük yanmasınen bağlı yanğınlar", - denile beyanatta.
Hatırlatamız, Qırımda iyül 13-14 Qırımnıñ ğarbiy ve şarqiy rayonlarında fevqulâde yanğın telükesi qalacaq.
İyülniñ 3-nde Rusiye kontrolindeki Aqyar şeer yolbaşçısı vazifelerini eda etken Mihail Razvojayev orman ziyaretleri yasağını 21 künge uzattı.
Daa evel Qırımda iyülniñ 5-nden 8-ne qadar fevqulâde yanğın telükesi aqqında tenbilegen ediler.
