Link açıqlığı

Saatnıñ esas haberi

Qırımda eki künlük yüksek yanğın telükesi rejimi ilân etildi


Qırımda iyül 13-14 Qırımnıñ ğarbiy ve şarqiy rayonlarında fevqulâde yanğın telükesi qalacaq, bildirdiler bazaertesi künü Qırımdaki Rusiye FVN-de.

Qurtarıcılarnıñ malümatına köre, yılnıñ başından Qırımda 58 orman yanğını oldı. Yanğınlarnıñ esas sebebi – insanlarnıñ ateşnen muqayt olmamalarıdır. Yanğın ile vaziyetni zorlaştırğan daa bir şey iklim şaraitleriniñ deñişüvi ola.

Yanğın ile küreş rejiminiñ bozuluvı içün Rusiye para cezaları 2 biñden 400 biñ rublege qadar ola. Bundan ğayrı, bozğanlarnı apis bekley.

Hatırlatamız, Qırımda iyülniñ 8-ne qadar anomal sıcaq olacaq, dep tenbileyler.

İyülniñ 3-nde Rusiye kontrolindeki Aqyar şeer yolbaşçısı vazifelerini eda etken Mihail Razvojayev orman ziyaretleri yasağını 21 künge uzattı.

Daa evel Qırımda iyülniñ 5-nden 8-ne qadar fevqulâde yanğın telükesi aqqında tenbilegen ediler.

XS
SM
MD
LG