Link açıqlığı

Saatnıñ esas haberi

Qırımlılarnıñ mektüpleri: Qırımnıñ azat etilüvi qanlı cenk olmamalı


Ukrayınadaki cenk ve Qırım patlavları. Kollaj
Ukrayınadaki cenk ve Qırım patlavları. Kollaj

QIRIM – Bir çoq qırımlı yüksek seviyeli propagandacılarnı körgende aqıllarına kelgen Rusiye televideniyesi «qardaş Ukrayınağa» qarşı nefretniñ yañı seviyesine keçti. Propagandacılar Rusiyeniñ energetika infrastrukturasınıñ kritik obyektlerine endirgen darbeleri sebebinden elektrik söndürilüvinden zarar körgen Ukrayına halqınıñ derdine quvana. Ukrayınalılarnıñ bir qıyınlıqqa baqmadan, ğalebege qadar küreşmege azır olğanı olarnı daa çoq açuvlandıra.

Qırımlılar da Rusiye memurlarına daa çoq açuvlana, çoqusı qırımlı qorantanıñ zaten qıt büceti daa beter qısqartıla. Qışnıñ kelgeni daa bir stress ketirdi – kommunal hızmetlerniñ fiyatı arttı. Em de bayağı – 10-11%. Tükân ve hızmetlerniñ fiyatları zaten toqtamayıp artqanda.

Qış kelgeninen söz serbestligini bastıruv «anahtarı» kene aylana, – FSBniñ 04.11.2022 qabul etilgen №547 «Çetel menbalarına keçkende Rusiye Federatsiyasınıñ telükesizligine qarşı qullanılması mümkün olğan Rusiye Federatsiyasınıñ arbiy, arbiy-tehnik faaliyeti saasında malümat cedvelini tasdıqlav» emri işke tüşürildi. İçtimaiy ağlarda cenk aqqında yazmaq daa telükeli oldı. Tek Ukrayınağa qoltutqan qırımlılar içün degil, Rusiye ordusınıñ muvafaqiyetsizligine açuvlanğanlar içün de.

Kreml rejimi cebedeki muvafaqiyetsiziligi açıq tarafsız malümat yasağınen gizlemege tırışa

Köremiz ki, bütünley qabarlanğan Kreml rejimi cebedeki muvafaqiyetsiziligi açıq tarafsız malümat yasağınen gizlemege tırışa. Başta Kreml ve Rusiye Mudafaa nazirligi içün kelişmegen hulâsalarnı keniş sürette seslendirgen halqara cinayetçi İgor Girkinni cebege yollağanlar. Şimdi cebedeki vaziyetnen bağlı kerçek ve şaşırtqan malümatnı aydınlatqan Rusiye arbiy mühbirlerini sustırmağa qarar alğanlar. Aqiqat yasaqlanğanlar – memleket ve cemiyet içün yaramay bir işaret, demek, Kremlniñ işleri daa beter ola.

Herson vilâyetinde Ukrayına tankları ve diger arbiy tehnikası, 2022 senesi noyabrniñ 18-i
Herson vilâyetinde Ukrayına tankları ve diger arbiy tehnikası, 2022 senesi noyabrniñ 18-i

Rusiye ordusınıñ vaziyetini yahşı bilgen «ğalipler taqımı» Herson vilâyetiniñ işğal altındaki topraqları qalacağına inanmayıp, Qırımnı pekitip başladı. Qırımnıñ şimalinde qurulğan fortifikatsion inşaatlar aqqında Sergey Aksenov tarif etti. Şimdi haber etilgenine köre, Aqmescit rayonınıñ Şkolnoye qasabasında tank qobaları işlep çıqarıla.

Aqmescit rayonınıñ Şkolnoye qasabasında tank qobaları işlep çıqarıla
Leonid Babaşov

«Mında bördür ve töşeme taşını işlep çıqarğan büyük zemaneviy müessise quruldı. Körüşüvde belli olğanına köre, zavod reberligi arbiylerimizge qoltutmaq içün issesini qoşmağa qarar berdi. Müessisede yüksek seviyeli tanklarğa qarşı beton qobaları yapıla. Müessise küçü ayda 5 biñge qadar beton tetrayderini yapmağa imkân bere, er biriniñ kilosı 1,2 tonna», – dep tarif etti abunecilerine Rusiye Devlet dumasınıñ deputatı Leonid Babaşov.

Tanklarğa qarşı qobalar. Nümüneviy fotoresim
Tanklarğa qarşı qobalar. Nümüneviy fotoresim

Er şey Qırım uruşınıñ yaqın olğanını köstere. Ekspertler Rusiye cenkte tamır halqlardan askerlerni qullana, dep qayd etken edi.

Qırımnıñ tamır halqı – qırımtatarlar – içün işğalci orduğa seferber etilmek telükesi er kün arta

Biñlernen burâtnıñ cenkke yollanılğanı çoqtan belli, şimdi bunı Rusiye kütleviy haber vastaları da tasdıqladı, «1000-den çoq buuz (ananeviy burât ve moğol aşı – QA) er kün Qırımda burât çadırında arbiyler içün pişirile», dep haber etti.

Qırımtatar Milliy Meclisiniñ reisi Refat Çubarov İçki qasabasında bu künleri çoqusı yakutiyalı olğan 600 rusiyeli arbiy yerleştirildi, dep haber etti. Bu şaraitlerde Qırımnıñ tamır halqı – qırımtatarlar – içün işğalci orduğa seferber etilmek telükesi er kün arta.

Qırımda seferber etilgenler içün çadır lageri
Qırımda seferber etilgenler içün çadır lageri

İşğalci akimiyet Qırımnıñ quvetleştirilgen askeriyleştirilüvini devam ettirip, qırımlılarnı seferber ete. Bu aqta ekspert, Qırımtatar resurs merkeziniñ reberi Eskender Bariyev bildirdi. «Putinniñ sentâbrniñ 21-nde ilân etken qısmiy seferberligi gizli olıp, alâ daa devam ete. Çoquñız raat olıp, evine qayttı, bazılarıñız celpnameden soñ evge yibergen olsalar, kene çağırmazlar, dep ümüt ete. Ekinci kütleviy seferberlik dalğası beklenile ve buña azır olmaq kerek», – dep tenbiley ekspert.

Ukrayına Silâlı quvetleriniñ elinde yüksek uzaqlıq içün tam silâsınıñ olması – Qırımda yüz biñlernen ayatnı saqlav kefaletidir
Eskender Bariyev

Eskender Bariyev Qırımnı işğalden qurtaruv esnası qanlı cenkke çevirilmemeli, dep qayd ete. «Qırımnıñ işğalden qansız azat etilüvinde çoq şey ittifaqdaşlarımızğa bağlı. Ukrayına Silâlı quvetleriniñ elinde yüksek uzaqlıq içün tam silâsınıñ olması – Qırımda yüz biñlernen ayatnı saqlav kefaletidir», – dep qayd ete ekspert.

Eminim, Ukrayınağa qoltutqan qırımlılarnıñ ekseriyeti aynı fikirde. Şunıñ içün Qırımnı azat etüvde siyasetçi ve diplomatlarnıñ rolü Ukrayına Silâlı quvetleriniñ rolü qadar müim ola.

Почему на юге так долго вытесняли армию РФ?
Bekleñiz, lütfen

No media source currently available

0:00 0:11:59 0:00

Zarema Seitablayeva, qırımlı, bloger (müellifniñ adı ve soyadı telükesizlik maqsadınen deñiştirildi)

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

MALÜMAT: Ukrayınağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayına şimalinde faal olğanını toqtattı, dep bildirdi. Tezden Ukrayına akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayınağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG