Martnıñ 1-nde Bağçasaray, Yalta ve Gurzufta patlavğa beñzegen küçlü ses eştitilgen. Bunı yerli sakinler telegram kanallarında haber ettiler.
Rusiye akimiyeti ve arbiyleri vaziyetni şimdilik izaatlamaylar. Öz nevbetinde Rusiye taarfdarı bloger Aleksandr Talipov bu sesniñ eşitilgeni videonı yayınladı. Onıñ versiyasına köre, bu Rusiye uçağınıñ ses üstü tezlikke keçmesi edi. Diger menbalardan bu malümatnı teşkermek imkânsızdır.
Martnıñ 1-ne keçken gecesi işğal etilgen Qırımnıñ farqlı rayonlarında patlav sesleri eşitilgen. Rusiye tarafdarı bloger Aleksandr Talipov pilotsız uçaqlarnıñ ücümi aqqında bildirdi.
Martnıñ 1-ne keçken gecesi ukrayin pilotsız uçaqları Qırımğa küteviy şekilde ücüm etkenler. Bunı Rusiye Mudafaa nazirligi haber etti.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
