Link açıqlığı

Saatnıñ esas haberi

Qırımtatarlarnıñ vatanına avdeti aqqında filmniñ prodüseri, Avropa kino akademiyasınıñ azası oldı


Kino prodüseri Volodımır Yatsenko
Kino prodüseri Volodımır Yatsenko

Qırımtatar rejissöri Nariman Aliyevniñ "Evge" filminiñ prodüseri Volodımır Yatsenko, Avropa kino akademiyasınıñ azası oldı. Bunı "Evge" filminiñ Facebook saifesinde yazdılar.

İcadiy taqım, Yatsenkonı Kino akademiyasınıñ azası olmasınen tebrikledi.

Yatsenko, Ukrainanıñ Kino sanayısı Birleşmesiniñ başıdı. "Evge" filminden ğayrı, o, Yaroslav Lodıginniñ "Kiyik çöl" ve Valentin Vasânoviçniñ "Atlantida" filmleriniñ prodüseri oldı.

Evel haber etilgeni kibi, "Evge" filmi, "Oscar" Amerika kino akademiyasınıñ mükâfatına Ukrainanıñ yekâne namzeti oldı.

Daa evel «Evge» filmi Odesa halqara kinofestivaliniñ Grand Prix mukâfatını aldı. «Evge» filminiñ ukrain premyerası Odesa kinofestivalinde iyülniñ 14-nde oldı. Levha noyabrniñ 7-nde Ukrainada kösterilecektir.

«Evge» levhası qırımtatarı Mustafa aqqında tarif ete. Eki oğlu Qırım işğalinden soñ Kyivge ketti. Büyük oğlu Nazim vefat ete, babası onı Qırımğa alıp, musulman ananelerine köre defin etmek ve küçük oğlu Alimni evge qaytarmaq içün paytahtqa yol ala.

Daa evel qırımtatar rejissöri Nariman Aliyevniñ «Evge» levhası Bükreşteki halqara kinofestivalinde eñ eyi film mukâfatını aldı.

Nariman Aliyev — qırımtatar rejissöri, «Qırım ikâyeleriniñ» (qısqa levha) müellifi. «Sensiz» filmi 66-ncı Berlin kinofestivaliniñ Generation 14+ çerçivesinde taqdim etilgen edi. Aliyev öz işlerinde qırımtatarlarnıñ qoranta munasebetlerini, anane ve turmuşını köstere.

XS
SM
MD
LG