Qırımtatar rejissör Nariman Aliyev, "Evge" filmi, "Ecnebiy tilde eñ yahşı film" kategoriyasında "Altın globus" Hollywood mükâfatına namzetlendi.
"Altın globus" mükafatının resmiy saifesinde yazılğanı kibi, film 65 memleketten 93 film sırasına kirdi. Namzetlerniñ soñ cedveli dekabr 9-ında ilân etilecek.
Qırımtatar rejissör Nariman Aliyev, "Evge" filminiñ aktörlarını nasıl saylağanı aqqında Qırım.Aqiqat Radiosı efirinde aytıp berdi.
Qırımtatar rejissör Nariman Aliyevniñ "Evge" filmi, oktâbr 24-ünde "Kinokolo" Ukraina kino tenqitçileriniñ milliy mükâfatını aldı.
Daa evel «Evge» filmi Odesa halqara kinofestivaliniñ Grand Prix mukâfatını aldı. «Evge» filminiñ ukrain premyerası Odesa kinofestivalinde iyülniñ 14-nde oldı. Levha noyabrniñ 7-nde Ukrainada kösterilecektir.
«Evge» levhası qırımtatarı Mustafa aqqında tarif ete. Eki oğlu Qırım işğalinden soñ Kyivge ketti. Büyük oğlu Nazim vefat ete, babası onı Qırımğa alıp, musulman ananelerine köre defin etmek ve küçük oğlu Alimni evge qaytarmaq içün paytahtqa yol ala.
Daa evel qırımtatar rejissöri Nariman Aliyevniñ «Evge» levhası Bükreşteki halqara kinofestivalinde eñ eyi film mukâfatını aldı.
Nariman Aliyev — qırımtatar rejissöri, «Qırım ikâyeleriniñ» (qısqa levha) müellifi. «Sensiz» filmi 66-ncı Berlin kinofestivaliniñ Generation 14+ çerçivesinde taqdim etilgen edi. Aliyev öz işlerinde qırımtatarlarnıñ qoranta munasebetlerini, anane ve turmuşını köstere.
