KEFE – Bu ne edi? Gece saat 3-te qomşularda biri qıçıra: "Cenk başlandı!" Ebet, bir şey patlay. 20 daqqa keçken soñ kene bir şey patlay. Pencereden portaqal tüste yarıq, soñra uçaqqa beñzegen ses, soñra daa bir kere ve 15 daqqadan soñ daa bir kere. Qoranıñ o bir tarafındaki qomşular qıçıra: köpekleri qorqanından sıçqan, uluy, ırılday.
Böyle avgustnıñ 4-ne keçken gece edi. Soñra internetten "kimse ve bir şey zarar körmegeni" aqqında oqudıq. Amma Kefe limanı yaqınlarından yaşağan menim tanışım (anda em arbiy em adiy liman bir yerde) bunı aytıp berdi: "Limanda bir şey öyle patladı ki, anda ne olğanını körmek içün balkonğa çaptım. Bu ise arbiy limandan Ava mudafaası quvetleri edi, arbiy gemiden olsa kerek.
Biz kefeliler buña artıq alıştıq demek mümkün, patlavlar, Ava mudafaası quvetleriniñ işi. Ya kelgenler ne yapsınlar?
Qısqası, meraqlı gece edi. Biz kefeliler buña artıq alıştıq demek mümkün, patlavlar, Ava mudafaası quvetleriniñ işi. Ya kelgenler ne yapsınlar? 10 dron urıp tüşürilgeni aqqında yazalar... Soñra neft bazasına ücüm etmek tırıştılar, dep haber ettiler. Amma böyle bir şey yoq: yanğı yoq, baza turğanı kibi tura. İslâm Terekteki tanışlarıma telefon ettim - anda da tınç ve sakin. Öyle olsa bu ne edi?
Bazıda maña er şey daa qolay kibi kele. Misal olaraq, Aqyarda bugün atışlar da. Anda talimler keçirile eken. Belki de kurort mevsiminde atışlar kerek degil? Yani belki de Kefe civarında da talimler edi, turistlerniñ qorqudan ştanlarına sıçqanı ise olarnıñ meselesi. Amma başqa bir şey bar, olar şimdi Qırımdan qaçacaq da. Kim atışlar, patlavlar astında yaşamağa istey?
Keriç körfezi civarında ise em gemi ve qayıqlarnıñ qatnamasını em de yaldamanı da yasaq ettiler. Keriçte plâjğa çıqtıñ - tahqiqat astındasıñ.
Amma başqa bir şey bar, olar şimdi Qırımdan qaçacaq da. Kim atışlar, patlavlar astında yaşamağa istey?
Aydı, Kefege qaytayıq. Eki kün evelsi FSB azbarına pilotsı zuçaq tüşkeni, camlar parlanğanı, adamlar telâşta olğanı aqqında malümat peyda oldı. Barıp baqtım - bir şey yoq. Dam yerinde, camlar da. Yalan. Ertesi künü ise men andan keçkende kanalizatsiya patlağanını kördim. Bunı añlayıvm, kerçek qaza.
Başqa şeyde ise er şey tınç: plâj boş degil, ekskursiyalar içün bilet satqan apteler ise "kimse yoq" dem ağlana.
Gece daa çoq ateş açıñız, soñra asla kimse qalmaz. Amma körfezde katernen kezgenler daa bar.
Bundan ğayrı tükân ve bazarlardaki fiyatlar quvandırdı. Tuvar eti 700+? Kim onı alacaq?
Amma eki kün evelsi ucuz sığır quyruğını aldım. İlk sefer böyle bir şey tükânda körlim. Köpegim begendi. Elbette bir qaç kün kemirdi, amma ne yapacañ, öyle de ola...
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.