Şimdilik Qırımda koronavirus yoq dep aytalar. Yani Aqmescit hastahanesinden qaçqan bir hanım oldı (nasıl, añlatıñız maña, nasıl etip infektsiya bölüginden qaçıp ketmek mümkün? Anda kamera yoqmı, anda koronavirus şübelileri yatqan palatalardan qolaylı çıqmaq mümkünmi?). Busı qaçtı ve Rostovğa, ğaliba ketti.
Ya da mına, maskalar! Olar ise satlıqta yoq eken. Ve mına yerli matbuat telâşlanıp başlay: maska yoq, amma olarsız hastahanege yibermeyler.
Ya da mına, maskalar! Olar ise satlıqta yoq eken. Ve mına yerli matbuat telâşlanıp başlay: maska yoq, amma olarsız hastahanege yibermeyler.
Deyik ki, ayağıñıznı qırdıñız, amma şeer hastahanesiniñ travmatologiya bölügine sizni yibermezler: maskañız yoq da. Belledim, qabartalar, yanımdaki eki ilâchanege kirdim: maska yoq. Üçüncisine telefon ettim: "Ne, sizde maska soracaqsıñızmı? Yoq olar, yoq!" Telâş başlana.
Yerli memurlar vaziyetke uyğun olmağa tırışa. Mına virus ile küreş içün Rospotrebnadzornıñ emri. Bellesem, memurlarnıñ özlerini virusnıñ olıp-olmamasına teşkermek kerek, ya da aqılnıñ olmasına.
Ebet, adaşnaysıñız: Qırımnıñ rusiyeli başı Sergey Aksönovnıñ emriniñ birinci saifesi daa açıq oqulsa, soñraki bir qaç saife - vertikal çevirilgen gorizontal cedvellerdir. Yoq, başıñıznı çevirmeñiz, olar bunı sadece esabat bermek içün yaptılar: "Küreşemiz!" demek. Yedi saifede ğayret etemiz! Rospiotrebnadzornıñ özü ise dey: ebet, keskin respirator hastalıqlar çoqlaştı.
Memurlarnıñ özlerini virusnıñ olıp-olmamasına teşkermek kerek, ya da aqılnıñ olmasına
Qırımda 28 mektepni qapattılar, balalar hasta, yarımadada epidemiya maksimumı 60%-ğa arttı. Bu resmiy malümat, em de qış da sıcaq edi.
Sadece Kefede soñki aftada 1004 gripp ve keskin respirator virus infektsiyası adisesi qayd etildi, bu ise bir afta evel olğan sayıdan 20%-ğa çoqçadır. Böylece, Kefeniñ №17 mektebinde 5 sınıf qapatıldı, qayd ete Rospotrebnadzor.
Başqa ülkelerde olğanı kibi kütleviy tedbirlerni toqtatmaq mantıqlı olur edi, amma yoq: bizde Qırım ilhaqınıñ ("birleşmesiniñ") altıncı yıldönümi de! Bunı nasıl qaçırmaq mümkün? Saba Klementyev dağında marafon keçecek, bütün müzey ve kitaphanelerde - bu tarihqa bağışlanğan vatanperver tedbirler. Kontsertler, spektakller, kazak toplaşuvları. Nasıldır "vatanperver poyezd" kelecek, martnıñ 18-inde kütleviy bayramlaşma olacaq. Şeerniñ akimiyeti ise ne? Olar deyler: açıq alanda olsa, bir şey olmaz. Ve müzeylerdeki vatanperver toplaşuvlar olarnıñ neçündir raatsızlamay.
Amma mında da normal adamlar bar. Aqmescit tsirki koronavirus sebebinden bir ayğa qapaldı.
Başqa ülkelerde olğanı kibi kütleviy tedbirlerni toqtatmaq mantıqlı olur edi, amma yoq: bizde Qırım ilhaqınıñ ("birleşmesiniñ") altıncı yıldönümi de!
Qırım akimiyeti ise quvana: koronavirus - er yerde. Kurortçı ise qayda baracaq? Avropağa endi istemez, AQŞ ve İsrail - yibermez, Türkiye virus sebebinden kurort mevsimini bir yarım ayğa keççe açacaq. Mına ise Qırım! Mında ise adamlar kelip başlar!
Bunda şübeñiz olmasın dep, yerli şaraplarnıñ virustan dermanı kibi reklaması artıq başlandı.
Amma, elbette ki, Aqmescitteki cenaze donatmalarınıñ yarmalığınıñ teşkilcisi menim qaramanım oldı. Ve bu bir şey degil, Aqmescit memuriyetiniñ qararıdır.
Vaqtında, razısızmı?! İyünniñ 15-inece fiyatlar kesilgen, aşıqıñız!
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
