Kefede mebuslarnı "doğru" rey berüvge azırlaylar. Olar bala da, 2-nci çağırışınıñ birinci sessiyasında nasıl ve kimge rey bermek kerek olğanını olarğa añlatmaq kerek. Bu sessiya bazaertesi künü, sentâbr 23-ünde keçecek.
Amma evelce, sentâbr 20-sinde, mebuslarnıñ yoqlav körüşüvi keçti. Bu körüşüvde ne oldı? Orkestr repetitsiyası.
Şeer faali Vladimir Belskiy içtimaiy ağlarda mına ne yaza:
"DİQQAT! ASIR YAÑILIQÇILIĞI! Kefe şeer bölgesi belediye müessisesiniñ memuriyetindeki menbaağa köre, bugün, 2019 senesi sentâbr 20-sinde saat 16:00 Kefede, Kefe şeer bölgesi belediye müessisesiniñ mevcudiyetiniñ bütün müddetinde ilk sefer, şeer şurasınıñ reisi A. Serdükova ve Kefe şeer şurasınıñ 2-nci çağırışınıñ mebuslar fraktsiyalarınıñ vekilleriniñ iştiraginen, Kefe şeer şurasınıñ 2-nci çağırışınıñ mebusları tarafından plenar oturuşlarınıñ keçirilmesiniñ protokol ve başqa normalarını pekitmek içün, Kefe şeer şurasınıñ 2-nci çağırışınıñ birinci sessiyasınıñ repetitsiyası keçirilecek".
Malümatnı eki yañı saylanılğan mebus tasdıqladı.
Hatırlatayım, Qırım başı Sergey Aksönov sentâbr 18-inde aqşam derc etken haber er kesni şaşırttı: onıñ teklifinen bütün şeer ve rayon memuriyetleriniñ başları öz vazifelerinden boşandı.
Qırım şeer ve rayonlarınıñ memuriyetleriniñ başları istifağa ariza bermege teklif ettimSergey Aksönov
"Qırım şeer ve rayonlarınıñ memuriyetleriniñ başları istifağa ariza bermege teklif ettim. Bu qarar, yañı taqımnı teşkil etmek ihtiyacı sebebinden qabul etildi. Bütün memuriyet başlıqları yerli şuralarğa arizalarnı yazdı", - yazdı Aksönov.
Onıñ aytqanına köre, yañı saylanğan mebuslar yaqın vaqıtta, şeer başlarınıñ saylama konkurslarınıñ müddetlerini belgiler.
Bir künden soñ Sergey Aksönov öz qararını añlattı, bundan belli oldı ki, Sergey Bovtunenko (konkursta iştirak etmege istese), boşanğan rutbesini qaytara bile.
Başlarnıñ çoqusı bu imtiandan keçip, yekâne taqımda işini devam ete bileSergey Aksönov
"Bu teklif mecburiyet degil edi. Qarar, bütün akimiyetni tamamınen yañıdan tiklemek kerek olğanından alındı. Şeer ve rayonlarnıñ başları pek müim bir çizgilerni - mesüliyetni, cemiyet muzakerelerinden ve konkurs protseduralarında keçmekke azırlıqnı - kösterdi... Başlarnıñ çoqusı bu imtiandan keçip, yekâne taqımda işini devam ete bile", - añlattı Aksönov.
Bugün yañı Qırım parlamentiniñ mebusları kene Aksönov ve Konstaninovnı rutbelerine bir ağızdan saylağanlarını közde tutsaq, - olarnıñ da repetitsiyası oldı! Ve er şeyni becerdiler!
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün