Saq rayonınıñ Bağayli (Frunze) köyünde Udmurtiya sakini battı, onıñ cesedini avgust 27-sinde taptılar. Rusiye FVN-niñ Qırım idaresinde haber etkenleri kibi, adise aqqında tünevin aqşam belli oldı.
Anda olğan adamlarnın aytqanına köre, "esli adam, 200-300 metr uzaqlıqta deñizge dalmağa ketti, onıñ gidro kiyiminde edi, amma ava ballonları yoq edi, bir saat içinde o qaytmadı".
Bazarertesi künü aqşam adamnı qıdırıp başladılar, amma qaranlıq tüşkeninen qıdıruvnı toqtattılar.
"Bugün saat 09:17, Kezlev "Krım-spas" taqımı ğayıp olğan turistni ölü tapqanları belli oldı, vaqia tahqiq etile", - dedi idare başı Sergey Şahov.
Onıñ aytqanına köre, daa on suv qazası oldı, olarda 11 adamnı qurtardılar, üçü – elâk oldı.
Avgust 22-sinde Qırımda, Kapsel körfezi yanında, cumaaqşamı künü küçlü yel, qayıqlarda yaldağan eki aqaynı deñizge alıp ketti.
