Qırımda, Kapsel körfezi yanında, cumaaqşamı künü küçlü yel, qayıqlarda yaldağan eki aqaynı deñizge alıp ketti.
Bunı Rusiye FVN-niñ Qırım idaresiniñ matbuat hızmeti bildirmekte.
"Qurtaruv operatsiaysını keçirgende, aqaylarnıñ ekisini ve qayıqlarnı gemige köterip, yalığa alıp kettiler. Raatlanıcılarnen, suvda özüni alıp baruv qaideleri, hususan havfsız deñiz qayıq yaldaması aqqında subet keçirildi", - aytıp berdiler matbuat hızmetinde.
Müessise malümatına köre, yılnıñ başından yarımadada 98 suv qazası oldı, 106 adamnı qurtardılar, olardan 25-i bala.
Avgust 21-isinde Sudaq yanında Qapsihor (Morskoye) köyünde "Çoban Qale" plâjında aqıntı, qadınnı deñizge alıp ketkeni aqqında bildirgen ediler. Qazağa oğrağannı yalıdan 1,5 kilometr mesafede tapıp, qarağa alıp çıqtılar ve hastahenege qoydılar.
