Keçken afta Qırım qurtarıcıları 26 yol qazasında yardım etti, 142 yanğınnı söndürdi, dağlarda altı qıdıruv-qurtaruv operatsiyasını keçirdi. Umumen 74 adamnı qurtardılar. Bunı Rusiye FVN-niñ Qırım idaresi bildirmekte.
"Yol qazalarında 54 adamnı qurtardılar, olardan 14-ü – balalar, pek yazıq, eki kişi amma elâk oldı. Bundan ğayrı, keçken afta 142 yanğınnı söndürdiler, olardan 114 yanğın – çöplük ve quru ösümlik yanğınlarıdır, bundan ğayrıdört orman yanğınını söndürdiler. Dağ-ormanda doquz adamnı qurtardılar, olardan birisi – bala", - Qırım FVN-niñ naziri Sergey Şahovnıñ sözlerinden yaza matbuat hızmeti.
Onıñ aytqanına köre, daa on suv qazası oldı, olarda 11 adamnı qurtardılar, üçü – elâk oldı.
Avgust 22-sinde Qırımda, Kapsel körfezi yanında, cumaaqşamı künü küçlü yel, qayıqlarda yaldağan eki aqaynı deñizge alıp ketti.
Rusiye FVN-niñ Qırım idaresi, keçken yılğa köre, 2019 senesinde orman yanğınları aman-aman eki kere azlaşqanını haber etti.
