Keçken bazar künü Qarasuvbazar (Belogorsk) rayonında "Tavrida" trassasında yol qazası oldı. "Kamaz" aydavcısı idareni baş etip olamayıp, avdarıldı, bir adam yaralandı.
Bunı Rusiye nezaretindeki Qırım FVN-niñ matbuat hızmeti bildirmekte.
"Qurtarıcılar kelgende, qazağa oğrağan adam endi acele yardım maşnasında olğanını bildi. Fevqulâde müessiseniñ hadimleri, qaza yerini sarıp aldı ve yanğın telükesizligini temin etti", - denile beyanatta.
Daa evel Kezlev - Mirnıy maşna yolunda Qırımnıñ Saq rayonında yengil maşna yoldan kenara ketip, avdarıldı, aydavcı elâk oldı.
Qırımnıñ rusiyeli akimiyeti "Tavrida" trassasında yük maşnalarnıñ yürmesini yasaqlağanına baqmadan, olar bu yolnıñ kimer qısımlarında yürmege devam ete.
