Link açıqlığı

Saatnıñ esas haberi

Qırımda maşna yoldan kenara ketip, avdarıldı, meftalar bar


Kezlev - Mirnıy maşna yolunda Qırımnıñ Saq rayonında yengil maşna yoldan kenara ketip, avdarıldı, aydavcı elâk oldı, dep bildire Rusiye FVN-niñ Qırım idaresi.

"Şimdi bilingenine köre, Geely CK maşnasınıñ aydavcısı, Kezlev tarafında Mirnıyge ketkende, süratını arttırdı, yol vaziyetini köz ögüne almadı ve taşıt yolunıñ sıñrından çıqtı, bundan soñ maşna avdarıldı", - denile beyanatta.

Beyanatqa köre, maşnanı 1958 yılı doğma aqay ayday edi. Yol qazası neticesinde o, yaralarından keçindi. Vaqiadan ötrü teşkerüv keçirile, ondan soñ kerekli qararlar alınacaq.

Qırımlı qurtarıcılarnıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.

XS
SM
MD
LG