Link açıqlığı

Saatnıñ esas haberi

Qırımda COVID-19-dan ölgen hastalarnıñ sayısı arta


Qırımda koronavirus infektisyasından ölgen adamlarnıñ sayısı 11-ge keldi. Bunı mayıs 25-inde Qırımnıñ rusiyeli Sağlıq Nazirligi derc etken malümat köstere. Bundan evel COVid-19 diagnozı olğan doquz adamnıñ ölümi aqqında bildirile edi. Daa eki hastanıñ ölümi aqqında tafsilâtlar yoq.

Bildirile ki, 184 koronavirus hastasından dörtü ağır aldadır, 136-sı orta alda ve 44-ü yahşı aldadır.

Mayıs 25-iniñ sabasına qadar Aqyarda daa eki koronavirus adisesi qayd etildi. Bir adam - 92 yaşındaki qadın - öldi. Onıñ hronik hastalıqları bar edi.

Tünevin Qırımda altı yañı koronavirus adisesi qayd etildi. Böylece, Qırımnıñ Rusiye akimiyeti malümatına köre, bugünge qadar 346 yañı koronavirus hastası qayd etildi. 25-i çetelden keldi, 44-ü Rusiyeden keldi. 153 kişi tüzeldi, 9 koronavirus hastası vefat etti. Aqyarda 155 yañı koronavirus hastası qayd etildi, eki kişi vefat etti.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG