Mayıs 25-iniñ sabasına qadar Aqyarda daa eki koronavirus adisesi qayd etildi. Bir adam - 92 yaşındaki qadın - öldi. Onıñ hronik hastalıqları bar edi.
Bunı Aqyarnıñ rusiyeli akimiyetiniñ saytında bildireler.
Akimiyetniñ malümatına köre, daa eki adam yahşı oldı ve hastahaneden çıqtı. Al-azırda infektsiya hastahanesinde 85 adam, 9-ıncı şeer hastahanesine 74 adam nezaret altında buluna. Yaşağan yerlerinde 635 adam közetile.
Qırımnıñ Rusiye akimiyeti malümatına köre, bugünge qadar 346 yañı koronavirus hastası qayd etildi. 25-i çetelden keldi, 44-ü Rusiyeden keldi. 153 kişi tüzeldi, 9 koronavirus hastası vefat etti. Aqyarda 155 yañı koronavirus hastası qayd etildi, eki kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
