Qırımda yanvarniñ 5-inde altı yanğın oldı, bir adam elâk oldı, dep bildire Rusiye FVN-niñ Qırım bölügi.
Beyanatqa köre, dört yanğın mesken yerlerde oldı, bir danesiniñ sebebi çöplük yanmaşı oldı.
Yılnıñ başından berli quru ösümliklerniñ ve çöplükniñ alevlenmesi sebebinden umumen 10 yanğın söndürildi.
Qurtarıcılarnıñ beyanatına köre, yanvarniñ 5-inde Qırımda İslâm Terek (Kirovskoye) rayonınıñ Cuma Eli (Privetnoye) köyünde bir aqay elâk oldı.
Yanvarniñ 2-sinde Aqmescitte (Somferopol) Stroiteley soqagında beş qatlı evniñ kvartiralarından birisinde yanğın çıqqanı içün, sakinlerni tahliye ettiler, eki adamnı qurtarıp ekimlerniñ eline berdiler.
Daa evel Canköy rayonınıñ Totay köyünde gece mesken evde yanğın oldı. Yanğında 1958 senesi doğma aqay zararlandı.
