Yanvarniñ 2-sinde Aqmescitte (Somferopol) Stroiteley soqagında beş qatlı evniñ kvartiralarından birisinde yanğın çıqqanı içün, sakinlerni tahliye ettiler, eki adamnı qurtarıp ekimlerniñ eline berdiler. Bunı Rusiye FVN-niñ Qırım idaresiniñ matbuat hızmeti aytıp berdi.
"Tütün içün binadan çıqıp olamağan eki adamnı teşkerüv vaqtında tapıp qurtardılar. Bundan ğayrı qomşu kvartiralardan daa edi sakinni tahliye ettiler", - denile beyanatta.
Müessise malümatına köre, qurtarılğanlar qadın ve aqaynı acele yardımı hızmetiniñ eline berdiler, ondan soñ olarnı №6 Aqmescit hastahanesine qoydılar.
Daa evel Canköy rayonınıñ Totay köyünde gece mesken evde yanğın oldı. Yanğında 1958 senesi doğma aqay zararlandı.
