Qırımda İslâm Terek (Kirovskoye) rayonınıñ Cuma Eli (Privetnoye) köyünde bir aqay elâk oldı. Bunı Rusiye FVN-niñ Qırım idaresi haber ete.
"Yanğıncılar kelgende, mesken evde yataq yanğanını kördiler. Ateşni beş daqqada söndürdiler. Amma, yazıq ki, yanğında elâk olğan aqaynı taptılar, onıñ şahsiyetini belgileyler",- denile beyanatta.
Müessise malümatına köre, alev 2 kvadrat metrni qaplap aldı. Ekspertler sebebini bilmege tırışa.
Keriçte çoq qatlı evde olğan yanğından 12 adamnı tahliye ettiler, yanğan kvartiranıñ saibini ateşten çıqardılar.
Yanvarniñ 2-sinde Aqmescitte (Somferopol) Stroiteley soqagında beş qatlı evniñ kvartiralarından birisinde yanğın çıqqanı içün, sakinlerni tahliye ettiler, eki adamnı qurtarıp ekimlerniñ eline berdiler.
Daa evel Canköy rayonınıñ Totay köyünde gece mesken evde yanğın oldı. Yanğında 1958 senesi doğma aqay zararlandı.
