Keriçte çoq qatlı evde olğan yanğından 12 adamnı tahliye ettiler, yanğan kvartiranıñ saibini ateşten çıqardılar. Bunı Risiye FVN-niñ Qırım idaresinde haber eteler.
Yanğın beş qatlı evniñ üçünci qatındaki eki haneli kvartirada çıqtı. Qaza yerine kelgen yanğıncılar ateşni söndürip başlağanda, kvartirada qalğan adamlar bar olğanı belli oldı.
"Qırım qurtarıcılarınıñ areketleri neticesinde yanğından 1969 senesi doğma ayaq qurtarılğan edi, onı ateşten çıqarıp, acele yardımnıñ hadimleriniñ eline berdiler", - dep bildirdiler müessiseniñ matbuat hızmetinde.
Qurtarıcılarnıñ malümatına köre, yanğınnıñ söndürilmesine 20 daqqadan az vaqıt ketti. Alevlenmeniñ sebebini ekspertler tapacaq.
Qurtarıcılar, yılnıñ suvuq mevsiminde elektrik cihazlarnı qullanğanda yanğın telükesizligi qaidelerine uymaq kerekligini hatırlata.
Yanvarniñ 2-sinde Aqmescitte (Somferopol) Stroiteley soqagında beş qatlı evniñ kvartiralarından birisinde yanğın çıqqanı içün, sakinlerni tahliye ettiler, eki adamnı qurtarıp ekimlerniñ eline berdiler.
Daa evel Canköy rayonınıñ Totay köyünde gece mesken evde yanğın oldı. Yanğında 1958 senesi doğma aqay zararlandı.
