Keçken 24 saat içinde Qırımda altı quru ot yanğını çıqtı, dep bildire Rusiye FVN-niñ Qırım idaresi.
Müessiseniñ malümatına köre, yılnıñ başından çöplük ve quru ösümlikler tutaşqanı sebep olğan 91 yanğın söndürildi.
Qayd etilgenine köre, bu miqdar keçken yılnı aynı müddetine köre azca.
Fevralniñ 5-inde Kezlevde (Yevpatoriya) çoq qatlı binada yanğın çıqqanından bir insan elâk oldı, 17 ev sakini tahliye etildi, olarnıñ arasında bir bala dep bildirile edi.
Fevral 4-ünde Bağçasaray rayonında Qobazı (Malinovka) köyünde 900 kvadrat metrlik mıntaqada quru otnıñ yanması oldı.
